Bitcoin ပဵၼ်သင်?

Bitcoin ပဵၼ်သင်?

Bitcoin (ဢၢၼ်ႇဝႃႈပိတ်ႇၶွႆႇ) ပဵၼ်ငိုၼ်း (currency) မဵဝ်းၼိုင်ႈ ဢၼ်ဢမ်ႇမီးယေးငိုၼ်း လႄႈ လူင်ပွင်ၸိုင်ႈၵုမ်းထိင်းဝႆႉ။ မၼ်းပဵၼ်ငိုၼ်းဢၼ်ၸႂ်ႉသိုဝ်ႉၶူဝ်းၶွင် လႄႈ တၢင်းၵိၼ်လႆႈ။ ၵၢၼ်သိုဝ်ႉၶၢႆလူၺ်ႈပိတ်ႇၶွႆႇၵူႈလွင်ႈလွင်ႈၼၼ်ႉ ပဵၼ်လွင်ႈလပ်ႉ လႄႈ ဢမ်ႇမီးၽႂ်တူၺ်းၸွမ်းၶေႃႈမုၼ်း ငိုၼ်းတွင်းၸဝ်ႈၶွင်မၼ်းလႆႈ။

Bitcoin လုၵ်ႉတီႈလႂ်မႃး?

Bitcoin ထုၵ်ႇသၢင်ႈမႃးမိူဝ်ႈပီ 2009 လူၺ်ႈၵူၼ်းဢၼ်ၸႂ်ႉၸိုဝ်ႈဝႃႈ သႃႇတူဝ်ႇၶျီႉ ၼၶႃႇမူဝ်ႇတူဝ်ႇ  (Satoshi Nakamoto)။ တေႃႇထိုင်ဝၼ်းမိူဝ်ႈၼႆႉ ဢမ်ႇမီးၽႂ်ႁူႉဝႃႈ တူဝ်တႄႉၽူႈၶူင်သၢင်ႈမၼ်းပဵၼ်ၽႂ်။

ယွင်ႉသင်လႄႈၸႂ်ႉ Bitcoin?

သင်ဢမ်ႇမွၵ်ႈလၢတ်ႈၸိုဝ်ႈၸဝ်ႈၶွင်မၢႆဢႅပ်ႇငိုၼ်း (wallet address)ၼႆ ၵၢၼ်သိုဝ်ႉၶၢႆလူၺ်ႈ Bitcoin ၼၼ်ႉပဵၼ်လွင်ႈလပ်ႉလႄႈ ဢမ်ႇႁူႉလႆႈၸိုဝ်ႈၵူၼ်းသိုဝ်ႉလႄႈၵူၼ်းၶၢႆမၼ်း။ ဢမ်ႇမီးၵူၼ်းၼႂ်းၵႄႈၵၢင် မိူၼ်ၼင်ႇ လူင်ပွင်ၸိုင်ႈလႄႈယေးငိုၼ်း ၵုမ်းထိင်းလႄႈၶဝ်ႈထိုင်ၶေႃႈမုၼ်းၵၢၼ်ငိုၼ်း။

Bitcoin ႁဵတ်းၵၢၼ်ၸိူင်ႉႁိုဝ်?

တေလႆႈမီးဢႅပ်ႇငိုၼ်း wallet (ဝေႃးလဵတ်ႇ) တႃႇတေသိုဝ်ႉၶၢႆ လႄႈ ၵဵပ်းသိမ်း Bitcoin။ ဢႅပ်ႇငိုၼ်းၼႆႉမိူၼ်တင်းယေးငိုၼ်း (ပၢၼ်ႇ) သုၼ်ႇတူဝ် လႄႈ မၼ်းၸၢင်ႈၵဵပ်းသိမ်းဝႆႉလႆႈၼိူဝ် cloud ဢမ်ႇၼၼ်ၶိူင်ႈၸၢၵ်ႈမိူၼ်ၼင်ႇၶွမ်းလႄႈၾူၼ်းတူဝ်ၸဝ်ႈၵဝ်ႇ ၼႆယဝ်ႉ။

Read Next

4 လွင်ႈဢၼ်တေလႆႈႁူႉ ၵဵဝ်ႇလူၺ်ႈငိုၼ်းၶိပ်ႉတူဝ်ႇ

Leave a Reply

Your email address will not be published. Required fields are marked *