ဢွၼ်တၢင်းသုတ်း ႁဝ်းဢွၼ်ၵၼ်မႃးတူၺ်းလၢႆးသူင်ႇငိုၼ်းလုၵ်ႉတီႈလုမ်းပၢၼ်ႇ (ယေးငိုၼ်း) ၵႂႃႇတီႈၵူၼ်းတၢင်ႇၵေႃႉ။ တႃႇတေသူင်ႇငိုၼ်းလုၵ်ႉတီႈ ပၢၼ်ႇၼၼ်ႉ ႁဝ်းတေလႆႈတႅမ်ႈသႂ်ႇၶေႃႈမုၼ်း လႄႈ လူင်းလၢႆးမိုဝ်းတူဝ်ၵဝ်ႇ ပုၼ်ႈတႃႇပဵၼ်သၢၵ်ႈသေႇဝႃႈႁဝ်းပဵၼ်ၸဝ်ႈၶွင်ငိုၼ်းဢၼ်တႄႉ။ လင်ၼၼ်ႉ တေမီးၸဝ်ႈၼႃႈတီႈပၢၼ်ႇၶဝ်ထတ်းၶေႃႈမုၼ်းႁဝ်းသေ ၶဝ်ၸင်ႇလႆႈလူင်းလၢႆးမိုဝ်း ပုၼ်ႈတႃႇမၵ်းမၼ်ႈၵၢၼ်သူင်ႇငိုၼ်းႁဝ်းထႅင်ႈၵမ်းၼိုင်ႈ။
ၵမ်းၼႆႉသင်ႁဝ်းမႃးတူၺ်းၵၢၼ်သူင်ႇငိုၼ်းၶိပ်ႉတူဝ်ႇၼႆ မိူဝ်ႈႁဝ်းသူင်ႇငိုၼ်းၶိပ်ႉတူဝ်ႇၵႂႃႇၸူးတၢင်ႇၵေႃႉၼၼ်ႉ တေလႆႈမီးၽူႈထတ်းလႄႈ မၵ်းမၼ်ႈၶေႃႈမုၼ်း (မိူၼ်ၵၼ်တင်းၸဝ်ႈၼႃႈတီႈပၢၼ်ႇ) ပုၼ်ႈတႃႇလွင်ႈထုၵ်ႇမႅၼ်ႈ လႄႈ လွင်ႈႁူမ်ႇလူမ်ႈငိုၼ်း။ ၶၵ်ႉတွၼ်ႈၵၢၼ်ထတ်းလႄႈမၵ်းမၼ်ႈ ၶေႃႈမုၼ်းၼႆႉ ႁဝ်းႁွင်ႉဝႃႈ ၵၢၼ်မၵ်းမၼ်ႈပလွၵ်ႉ (Block Confirmation)။ ၵွပ်ႈၼၼ် သင်ဝႃႈတိုၵ်ႉပႂ်ႉ 15 confirmations ၼႆ ပွင်ႇဝႃႈတေလႆႈမီးၽူႈမၵ်းမၼ်ႈပလွၵ်ႉတီႈဢေႇသုတ်း 15 ၵေႃႉ။ ၶေႃႈမုၼ်းဢၼ်ထုၵ်ႇမၵ်းမၼ်းၸိူဝ်းၼႆႉ တေထုၵ်ႇထႅမ်ၵႂႃႇၼႂ်းပလွၵ်ႉၶျဵင်း (Blockchain) လႄႈပဵၼ်ပုၼ်ႈၼိုင်ႈၶွင်ပလွၵ်ႉၶျဵင်းၵႂႃႇ ၼႆယဝ်ႉ။
