ပလွၵ်ႉၶျဵင်း (blockchain) ပဵၼ်တူဝ်ၵဵပ်းသဵၼ်ႈမၢႆ ၵၢၼ်တေႃႉသူင်ႇၶေႃႈမုၼ်း (transactions) ၵူႈလွင်ႈလွင်ႈဢၼ်မီးၼိူဝ် ၶိူဝ်းၶၢႆႇ Peer to Peer Network (P2P)။
ၶေႃႈမုၼ်းဢၼ်မီးၼႂ်းပလွၵ်ႉၶျဵင်း ဢမ်ႇၼၼ် တေႃႉသူင်ႇလူၺ်ႈပလွၵ်ႉၶျဵင်းၼၼ်ႉ မီးလွင်ႈႁူမ်ႇလူမ်ႈၸၼ်ႉသုင် လႄႈဢမ်ႇယႃႉၵဝ်းမၼ်းလႆႈငၢႆႈငၢႆႈ။
ပလွၵ်ႉၶျဵင်းႁဵတ်းၵၢၼ်ၼိူဝ်ၼႅင်ႈ Peer to Peer Network (P2P)။ မၼ်းဢမ်ႇမီးၵူၼ်းၼႂ်းၵႄႈၵၢင် (Middle Man)။
လိူဝ်သေၸႂ်ႉတႃႇတေႃႉသူင်ႇငိုၼ်းၶိပ်ႉတူဝ်ႇယဝ်ႉ ပလွၵ်ႉၶျဵင်း ထုၵ်ႇၸႂ်ႉပုၼ်ႈတႃႇလႅၵ်ႈလၢႆႈၶေႃႈမုၼ်းၵူႈလွင်ႈလွင်ႈမိူၼ်ၼင်ႇ ၽိုၼ်လိၵ်ႈ၊ သဵင်၊ ဝီႇတီႇဢူဝ်ႇ လႄႈ ၶႅပ်းႁၢင်ႈ။
ပလွၵ်ႉၶျဵင်းႁဵတ်းၵၢၼ်လူၺ်ႈပိူင်ၵၢၼ်ၸႅၵ်ႇၽႄဢၢမ်းၼၢတ်ႈ (decentralization)။ မၼ်းဢမ်ႇလူဝ်ႇမီးမုၵ်ႉၸုမ်း ဢမ်ႇၼၼ် လူင်ပွင်ၸိုင်ႈမိူင်းလႂ်မိူင်းၼိုင်ႈ ၵုမ်းထိင်းဝႆႉ။
